எண்டோமெட்ரியோசிஸ் யாருக்கு வரும்?

மனித இனத்தின் இனப்பெருக்க வருடங்களான 15 முதல் 45 வயதுக்குட்பட்ட பெண்மணிகளுள் நூறில் ஒருவருக்கு இந்த எண்டோமெட்ரியோசிஸ் நோய் ஏற்படுகிறது. பூப்பெய்திய கணத்தில் இருந்து மாதம் ஒரு முறை மாதவிடாய் நிகழும் போது இப்பாதிப்பு தீவிரமடைய வாய்ப்புள்ளது.

பீரியட்சின் போது உடலுக்குள் நிகழ்வது என்ன?

மாதம் ஒரு முறை சினைப்பைகளில் (Ovary) இருந்து ஒரு கரு முட்டை வெளியேறி சினைக்குழாய் (Fallopian tube) வழியாக வந்து கர்ப்பப்பையில் காத்திருக்கும். விந்தணு வந்து கூடாத நிலையில், இந்த கருமுட்டையுடன் சேர்ந்து கர்ப்பப்பையின் உள்புற சுவரும் சிதைந்து மாதவிடாய் கழிவாக வெளியேற்றப்படும்.

ஆனால் எண்டோமெட்ரியோசிஸ் உள்ளவர்களுக்கு, கர்ப்பப்பைக்கு வெளியே வளர்ந்துள்ள திசுக்களும் மாதவிடாய் சுழற்சியின் போது இரத்தக் கசிவை ஏற்படுத்தும். இந்த இரத்தம் உடலை விட்டு வெளியேற வழியில்லாததால், அந்தப் பகுதிகளில் கடுமையான வீக்கம், வலி மற்றும் வடுக்கள் (Scar tissue) உருவாகின்றன.

சாக்லேட் சிஸ்ட் (Chocolate Cyst) என்றால் என்ன?

மாதவிடாய் கழிவு பொதுவாக கீழ் நோக்கி யோனி வழியாக வெளியேறும். ஆனால் சில நேரங்களில் இந்த கழிவு உள்நோக்கிச் சென்று சினைக்குழாய் வழியாக சினைப்பையை (Ovary) அடைந்து விடுகிறது. சில சமயங்களில் சிறுநீர்ப்பை, மலக்குடல் போன்ற மற்ற உறுப்புகளிலும் இந்த திசுக்கள் படிந்து விடுகின்றன.

எண்டோமெட்ரியோசிஸ் அறிகுறிகள் என்ன?

• தாங்க முடியாத அடிவயிற்று வலி: மாதவிடாய் கால வலி பொதுவானது, ஆனால் இப்பாதிப்பு உள்ளவர்களுக்கு ஏற்படும் வலி வழக்கத்திற்கு மாறாக மிகக் கடுமையாக இருக்கும். இந்த வலி முதுகுப்பகுதிக்கும் பரவக்கூடும்.
• உடலுறவின் போது கடும் வலி: இடுப்புப் பகுதியில் உள்ள திசுக்களின் வீக்கம் காரணமாக உடலுறவின் போது கடுமையான அசௌகரியமும் வலியும் ஏற்படும்.
• மலட்டுத்தன்மை மற்றும் குழந்தைப்பிறப்பில் தாமதம்: சினைப்பையில் சாக்லேட் சிஸ்ட் இருக்கும் போது அல்லது கருக்குழாயில் அடைப்பு ஏற்படும் போது சரியான நேரத்தில் கர்ப்பம் அடைய முடியாமல் தள்ளிப்போகும்.
• அதிகப்படியான இரத்தப்போக்கு மற்றும் சோர்வு: மாதவிடாயின் போது அதீத இரத்தம் வெளியேறுவதால் ரத்த சோகை (Anemia) மற்றும் நாள்பட்ட உடல் சோர்வு உண்டாகும்.
• வயிறு மற்றும் குடல் சார்ந்த உபாதைகள்: அடிக்கடி மலம் கழிக்க வேண்டிய உந்துதல் அல்லது சிறுநீர் கழிக்கும் போது வலி ஏற்படுதல்.

மருத்துவ அறிவியல்

2. எண்டோமெட்ரியோசிஸ் ஒரு ஆட்டோ இம்யூன் (Autoimmune) வியாதியாகவும் பார்க்கப்படுகிறது. அதாவது நமது உடலின் நோய் எதிர்ப்பு சக்தியே நமது திசுக்களுக்கு எதிராக மாறுவதாகும்.

3. ஈஸ்ட்ரோஜென் ஹார்மோன் சமநிலை மாறுபடும் போது உள்காயங்கள் (Inflammation) மற்றும் தீவிர மன அழுத்தம் (Stress) காரணமாக இப்பாதிப்பு மேலும் தீவிரமடைகிறது.

எண்டோமெட்ரியோசிஸ் சிகிச்சை முறைகள்: உணவுமுறை மாற்றமே நிரந்தர தீர்வு!

எண்டோமெட்ரியோசிஸ் மற்றும் சாக்லேட் சிஸ்ட் பாதிப்புகளுக்கு அறுவை சிகிச்சை மட்டுமே ஒரே தீர்வு அல்ல. அறுவை சிகிச்சை மூலம் தற்காலிகமாக கட்டிகளை அகற்றினாலும், உடலில் ஹார்மோன் சமநிலையின்மை மற்றும் உள்காயங்கள் (Inflammation) அப்படியே இருப்பதால், மீண்டும் கட்டிகள் வர 70% வரை வாய்ப்புள்ளது. எனவே, இதற்கான மூலக்காரணியை சரிசெய்வதே மிக முக்கியம்.

LCHF (Low Carb High Fat) உணவுமுறையின் முக்கியத்துவம்:

எண்டோமெட்ரியோசிஸ் பாதிப்பைத் தூண்டும் ஈஸ்ட்ரோஜென் ஹார்மோன் ஆதிக்கத்தையும், உடலில் ஏற்படும் உள்காயங்களையும் கட்டுப்படுத்துவதில் LCHF (குறைந்த கார்போஹைட்ரேட் மற்றும் நல்ல கொழுப்பு நிறைந்த உணவுமுறை) மிகச்சிறந்த பலனைத் தருகிறது.

• இன்சுலின் மற்றும் ஹார்மோன் சமநிலை: கார்போஹைட்ரேட் உணவுகளைக் குறைக்கும் போது இன்சுலின் அளவு சீராகி, ஈஸ்ட்ரோஜென் ஹார்மோன் ஆதிக்கம் கட்டுப்படுத்தப்படுகிறது.
• உள்காயங்கள் (Inflammation) குறையும்: நல்ல கொழுப்புகள் (Healthy Fats) மற்றும் இயற்கை உணவுகள் உடலின் உள்காயங்களை ஆற்றி, மாதவிடாய் காலத்து கடுமையான வயிற்று வலியை படிப்படியாகக் குறைக்கிறது.
• கட்டிகளின் வளர்ச்சி கட்டுப்படும்: LCHF உணவுமுறை சாக்லேட் சிஸ்ட் கட்டிகளின் வளர்ச்சியை இயற்கையாகவே கட்டுப்படுத்தவும், உடலின் நோய் எதிர்ப்பு ஆற்றலை (Autoimmune Response) சீராக்கவும் உதவுகிறது.