Constipation in Pregnancy Tamil
Constipation during pregnancy Tamil: கர்ப்ப காலத்தில் ஏற்படும் மலச்சிக்கலை குணப்படுத்த, உணவில் நார்ச்சத்தின் (Fiber) அளவை படிப்படியாக அதிகரிப்பது மிக முக்கியம். ஆனால், வெறும் நார்ச்சத்துள்ள உணவுகளை மட்டும் சாப்பிட்டால் போதாது; அதோடு சேர்த்து போதிய அளவு தண்ணீரும் குடிக்க வேண்டும். அப்போதுதான் மலம் இளகி, குடல் இயக்கம் சீராகும்.
கர்ப்ப காலத்தில் ஹார்மோன் மாற்றங்கள், குடல் இயக்கம் மெதுவாகுதல், கருப்பை பெரிதாகி குடலுக்கு அழுத்தம் தருதல், இரும்புச் சத்து மாத்திரைகள், குறைந்த தண்ணீர், குறைந்த நார்ச்சத்து உணவு போன்ற காரணங்களால் மலச்சிக்கல் ஏற்படலாம். பெரும்பாலும் இது உணவு மற்றும் வாழ்க்கை முறை மாற்றங்களால் கட்டுப்படுத்தக்கூடிய பிரச்சனை.
ஒரே நாளில் அதிக நார்ச்சத்து சேர்த்தால் வயிறு உப்பசம், வாயு பிரச்சனை வரலாம். பழங்கள், கீரை, காய்கறி, சுண்டல், முளைகட்டிய பயறு போன்றவற்றை தினமும் கொஞ்சம் கொஞ்சமாக சேர்க்கவும்.
Fiber சரியாக வேலை செய்ய தண்ணீர் அவசியம். தண்ணீர் குறைந்தால் மலம் மேலும் இறுகலாம். நாள் முழுவதும் அடிக்கடி தண்ணீர் குடிக்கும் பழக்கம் உதவும்.
மருத்துவர் தடை சொல்லவில்லை என்றால், உணவுக்குப் பிறகு 10–20 நிமிடங்கள் மெதுவாக நடப்பது குடல் இயக்கத்தை தூண்டி மலச்சிக்கலை குறைக்க உதவும்.
சிலருக்கு iron tablets எடுத்த பிறகு மலச்சிக்கல் அதிகரிக்கலாம். ஆனால் தானாக நிறுத்தக்கூடாது. மருத்துவரிடம் சொல்லி மாற்று வகை அல்லது சரியான முறையை கேட்கவும்.
கடுமையான வயிற்று வலி, வாந்தி, மலம் கழிக்கும் போது ரத்தம், பல நாட்கள் மலம் கழிக்க முடியாத நிலை, அதிக வயிறு வீக்கம், அல்லது வீட்டு முறைகளால் குறையாத மலச்சிக்கல் இருந்தால் மருத்துவரை அணுக வேண்டும். கர்ப்ப காலத்தில் laxative அல்லது stool softener போன்ற மருந்துகளை மருத்துவர் ஆலோசனை இல்லாமல் எடுத்துக்கொள்ள வேண்டாம்.
கர்ப்பகால ஆரோக்கியம், முறையான மகப்பேறு பராமரிப்பு (Antenatal Care) மற்றும் அதிநவீன ஐவிஎஃப் (Advanced IVF) சிகிச்சைகள் குறித்த உங்களின் அனைத்து சந்தேகங்களுக்கும் தீர்வு காண Dr. Vinodhini Pradeep அவர்களை இன்றே தொடர்பு கொள்ளுங்கள்.
வாட்ஸ்அப் பட்டனை கிளிக் செய்யவும்.
